ជាធម្មតាមុនពេលធ្វើបទបង្ហាញអំពីអ្វីមួយ យើងតែងតែរៀបចំទុកមុន ក្នុងនោះដែរអ្នកអាចរៀបចំធ្វើក្នុងកម្មវិធី Powerpoint ឬ ធ្វើជាមួយ និងកម្មវិធីផ្សេងៗដទៃទៀតក៏បាន កម្មវិធីនេះជួយសម្រួលការរៀបចំកិច្ចការដែលយើងត្រូវឡើងធ្វើបទ បង្ហាញ ដោយយើងលើកយកចំណុចសំខាន់ៗ ឬ ក៏លើកយកតែចំណុចរួមមួយដែលទាក់ទងទៅនិង ប្រធានបទមកដាក់ក្នុងស្លាយ។
ការរៀបចំស្លាយបានល្អ គឺអាចទាក់ទាញដល់អ្នកស្ដាប់ ហើយជៀសវៀងការបង្កើតស្លាយដែលមានសរសេរអក្សរច្រើន ឬ និយាយលំអិតពេកទេ ចំពោះការរៀបចំតុបតែងវិញ គឺត្រូវអោយបានស្អាត។ ខាងក្រោមនេះជាគន្លឹះ១០យ៉ាងក្នុងការបង្កើតស្លាយ៖
១. យកក្នុងចិត្តទុកដាក់ទៅលើអ្នកស្ដាប់
- តើអ្វីដែលគេដឹង?
- តើអ្វីដែលអ្នកត្រូវប្រាប់ពួកគេ?
- តើគេមានជំនាញអ្វី?
- តើអ្វីដែលធ្វើអោយមានការទាក់ទាញចំពោះពួកគេ?
-តើអ្នកអាចបង្រៀនពួកគេ?
២. ការប្រើពន្លឺ
- ជ្រើសរើសពណ៌ដើម្បីដាក់លើសារណាដែលសំខាន់ៗ។
-ការប្រើពន្លឺអោយស៊ីនិងពណ៌ក្នុងការរចនាដើម្បីអោយសារសំខាន់របស់អ្នកមើលទៅមានភាពទាក់ទាញ។
៣. ការរៀបចំស្លាយ
– ត្រូវបង្កើតស្លាយថ្មីផ្ទាល់ជៀសវាងចំលងចេញពីស្លាយផ្សេងៗ។
– បង្កើតស្លាយមួយជាមូលដ្ឋានរួម ជៀសវាងការរចនាស្លាយខុសគ្នាក្នុងអត្ថបទតែមួយ។
– ចាប់យកតែចំណុចសំខាន់ដើម្បីងាយស្រួលអាន។
-ជ្រើសរើសប្រភេទអក្សរ នឹងទំហំអោយបានសមស្រប ដើម្បីដាក់ចំណងជើងនិងអត្ថបទ។
៤. ការបង្ហាញសារ
– ការបង្ហាញសារវាអាចធ្វើអោយយើងងាយយល់។
– យើងធ្វើការកំណត់សំគាល់ពាក្យពិបាកហើយ
បង្ហាញជាសារបញ្ជាក់ពីអត្ថន័យនៃពាក្យ។
៥. ចំណុចដូចគ្នា
– កំណត់អក្សរ និងទំហំអក្សរអោយដូចគ្នាគ្រប់ស្លាយគ្រប់ទំព័រ។
-ពណ៌ត្រូវដាក់អោយស៊ីគ្នា។
៦. ការបន្ថែមរូបភាព
– គួរតែមានរូបភាពច្រើនអក្សរនៅលើស្លាយ។
– យើងអាចពន្យល់ពីអត្ថន័យតាមរយះរូបភាពនិមួយៗ។
-រូបភាពតែមួយបង្កប់អត្ថន័យបានច្រើន។
៧. ចំណុចខុសគ្នា
– ដាក់ពណ៌អក្សរអោយខុសពីពណ៌ស្លាយហើយមានភាពស៊ីគ្នា។
-ត្រូវជ្រើសរើសពណ៌អក្សរនឹងពណ៌ស្លាយដែលងាយស្រួលមើលហើយត្រជាក់ភ្នែក។
៨. ត្រូវមានការប្រុងប្រយ័ត្ន
– ជ្រើសរើសដាក់ Animationនិងសំឡេង។
– ដាក់ animation ណាដែលសមស្របអាចយកបាន។
៩. ឃីស
– ការរចនាស្លាយត្រូវមានរបៀបនិងស្រស់ស្អាត។
– ដកស្រង់តែចំណុចសំខាន់មកដាក់ក្នុងស្លាយ។
– កុំដាក់ជាប្រយោគនៅក្នុងស្លាយ។
-កុំមើលនិងអានតាមស្លាយទាំងអស់ជៀសវាងអ្នកស្ដាប់ធុញ។
១០. ការអនុវត្តន៍
– ត្រូវដឹងពីស្លាយរបស់អ្នកថាស្លាយនិមួយៗនិយាយពីអ្វី។
– ពេលនិយាយត្រូវមានទំនុកចិត្តលើខ្លួនឯង និយាយអោយលឺនិងច្បាស់។
– និយាយមួយៗកុំនិយាយលឿនពេកជៀសវាងគេស្ដាប់មិនទាន់។
– ពេលនិយាយភ្នែកត្រូវសម្លឹងមើលអ្នកស្ដាប់។
គន្លិះ ១០យ៉ាងដើម្បីរៀបចំ Slide Presentation ឲ្យបានប្រសើរ
Subscribe to:
Post Comments (Atom)
0 comments:
Post a Comment